Mall për ty

Kam mall,

Sa mall,

E vdekur

Për sytë e tu,

Malli me merr

Të të shoh 

Të heshtur,

Ashtu në errësirë

Ku ngjyra 

Bojeqiellt',

Ndriçon rrugën

Si fari anijes.

Kam mall,

Sa mall,

Të prek

Flokët e tu kaçurrela,

Që shpesh

Bien mbi sy

Dhe me shkujdesje

I largon

Nga balli

I gjerë. 

Kam mall,

Sa mall,

Edhe nje herë të ulem

Në sytë e tu

Të gëlltis

Një pikë loti

Dhe të kaperdij

Atë ç'ka mbeti 

Në fyt

Nga shija

E hidhur

Që me la

Malli për ty.

Kam mall,

Sa mall,

Të hyj

Në kraharorin tënd, 

Të më shtrëngosh

Pafund

Ashtu sikur më do

Të më puthesh

Lotët e kripur

Nga cepi syrit

Të më njomësh

Buzët e thara

Si atë lulen

E shkretëtirës.

15 Maj 2017

©AniLaErinDi