Jemi larg por ndjehemi pranë......atje këtu deti na ndan.....

Shoh detin e kaltër

dhe diellin plot shkëlqim

zhytur në mendime

mbyll sytë

e ndjej trishtim.

Aty në çast kuptoj

sa larg je shpirti im

lotët në rrëzë të syrit

rrjedhin, varg pashterim.

Vërtet e dashur

larg jam

por zemrën

pranë teje e kam.

Ndaj shtojzavallë

për mua mos vajto,

mbyll sytë dhe e heshtur

përkrah teje më imagjino.

Sa herë të më duash

një fjalë më dërgo

mes dallgeve

mes stuhisë,

në detin e kaltër

larg në horizont

imazhin tim dallo.

Me dorë

të përshëndet

me valën

të përkëdhel

lotët e syve

me frymë ti largoj

përqafim diellor

moj zemër t'ofroj.

1 qershor 2017

@AniLaErinDi

"Sea of Love" painting by Leonid Afremov